Naha salah mun hate neangan pangbeberah. Bongan nu jadi pamajikan api lain. Mindeng bangkenu remen jubrad jabreud. Bongan manehna ukur nganggap urusan ranjang ngan sakadar kawajiban nu kudu buru2 direngsekeun. Taya hasrat nyenangkeun salaki komo deu ngalayanan ekplorasi.
Meureun salah kayaan oge. Basa dibangbaluhan kuciwa nu beuki ngabeuratan, Umi justru hadir mere katengtreman. Manehna ukur pembantu, tapi rengkak polahna estu bisa ngurangan kakuciwaan dirina. Sarengkak saparipolah the teu leupas ti imut jeung kaberag. Tara pisan kadenge ngangluh. Estu 180 derajat dibandingkeun pamajikanana.
Jadi naha salah mun dina hiji poe manehna lah-lahan nembak Umi.
"Mi daek teu dipihukum ku bapa?"
Dikitukeun the Umi semu kaget kacida. Semu asa, siga ragu-ragu, manehna ahirna nolak. "Alim nganyenyeri ibu," pokna alon.
"Tapi berarti Umi nganyenyeri bapa." Ukur tungkul.
Tapi isukna manehna tetep berag. Tetep segut digawena. Taya tapak-tapak karempan atawa kabingung. Ngan tembong manehna rada ngajauhan mun tinggal duaan di imah.
Tapi ari soal perhatiana mah teu kurang. Mun pasosore maneh diuk di teras teu kudu dipenta golosor we cangkir kopi jeung gorengan. Perhatian kitu the beuki karasa copn kana hatena basa pamajikanan ti poe ka poe beuki apilain.
Basa hiji poe manehna ijin teu ngantor lantaran awakna muriang, Umi talaten pisan ngawulaan. "Bade dipijet Pa?"
Manehna sakedapan mencrong. "Moal nanaon kitu?"
Umi ngabalieur. Tapi nembalan, "moal panginten."
"Naha panginten?"
Ngabetem.
"Mun keur mencetan terus dirontok kumaha?"
Ngabetem keneh.
Sakedapan paheneng2. Ukur kadenge obahna jarum jam dina tembok kamar.
"Har kalah ngajanteng. Cenah rek mencetan?"
Teu kalaked Umi ngadeukeutan manehna nu keur nangkarak. Gap kanasukuna terus dipencetan. Kitu na the bari tungkul ngahindar pamencrongna.(*)
Powered by Telkomsel BlackBerry®
Tidak ada komentar:
Posting Komentar